كل يوم بوزن نفسي و مفيش فايده ؟؟
مش عارفه البس اللبس الي بحبه ....
مستنيه اليوم الي اوصل ف للوزن الي نفسي ف عشان ابقي سعيده و اعرف اعيش حياتي براحتي ...
زهقت من كتر ما الناس بتوصفني يا تخينه...
انا مش بحب جسمي كده ...
انا مش حاسه نفسي ف الوزن د ...
انا مبئتش ابص ف المرايه ..
انا نفسي ابقي ف جسم .....فلان او فلانه الممثل او البلوجر....
كل يوم بسمع من الكلاينت عندي أفكار زي د و اكتر ...
كل يوم بلاقي صورة للنفس مش حلوة بسبب الميزان....رغم ان احنا ربنا خلقنا عشان اكتر بكتير ....احنا كلنا عندنا نفس شكل الجسم ..بس عقول مختلفه تماما ف ليه دايما بنحكم علي بعض و علي نفسنا من خلال جسمنا بس ...
طيب و فكروا معايا شويه جسمنا د مخلوق عشان بس الشكل و لا كل جزء ف عنده قدرات عظيمه فوق الوصف غير التخن و الرفع
المشكله ان الإعلام و السوشيال ميديا بتصدر لنا طول الوقت صورة معينه فبقي عقلنا الباطن مش شايف الشخص السعيد و الصحي و الي قادر يستمتع بحياته غير ف الصورة د ...
و اوقات بتبقي الصوره د اتكونت بسبب كومنتات او طريقه معامله و احنا صغيرين بسبب الوزن رسمت معتقد و صورة ف العقل الباطن انك لازم تبقي رفيع رغم ان المعامله او الكومنت د غلط من أشخاص اتصرفوا ف وقتها بشكل مش صح ..
عشان كده تعالوا نكسر دايره كره جسمنا و ذاتنا
حاول الاول تفكر ايه الي كون الصورة د هل موقف او احساس او معتقد و فكر الفكره د وديتك لفين هل اكل عاطفي و لا ضغط نفسي و لا حدود ف العلاقات الخ ...
ثانيا قاوم فكره الميزان و المقاسات و متستلمش ليها و كل مره فكر نفسك انت مش بس ميزان و فكر نفسك بصفه واحده بتحبها ف نفسك ...
ثالثا حدد مشاعرك قبل ما تاكل و قبل ما تلوم نفسك هل ف سترس او قلق او تعب او ملل ...
رابعا دور علي طرق تخرج بيها سترس و المشاعر السلبيه بعيد عن الأكل و دايما فكر نفسك ان جسمك مش هو المشكله و متلومش نفسك ابدا علي شكلك و فكر نفسك دايما ان التخن د مرض زي اي مرض انت ملكش يد ف بس ليك يد انك تعيش بعافيه و رضا ف رحله العلاج و طول ما انت بتاخد خطوات و ماشي بثبات هتوصل ..
